Toy şənliyinin hansı üslubda, necə keçirilməsindən asılı olmayaraq, müxtəlif nöqsan və çatışmamazlıqlar qaçılmazdır, buna görədə toy günü təyin olunduğu andan hər şey barədə qabaqcadan nəzərə alıb ətraflı fikirləşmək lazlmdlr.

Bəzi şeylərsiz toy - toy deyil, və bu tək bəy və gəlin, yaxud gəlinlik və fata deyil. Şənliyə, güllər qədər təmtəraq verə, təbriklərlə birgə qonaqların və şənliyin səbəbkarların emosiyalarını ötürə biləcək başqa bir şey, yəgin ki, yoxdur. Əlbəttə ki, sadəcə gözəl buket seçməklə kifayətlənmək də olar, ancaq paltar və əsas iştirakçıların buketləri ilə ideal uyğunlaşan olan güllər seçilərsə daha da xoş olmazmı?

Düzgün seçimi necə etməli?
Şənliyi daha maraqlı və əyləncəli etmək üçün təşkilatçı kimi tamada dəvət etmək olar. Bu çox orijinal və əlverişli variantdır, çünki yeni evlənən cütlük, qonaqlarını daha necə əyləndirmək sualı ilə özlərini yormayacaq. Ancaq bu məsələyə də əsaslı şəkildə yanaşmaq lazımdır. Sonradan qonaqlarınızın önündə fərsiz, bacarıqsız, başsoyuq tamadanın ücbatından qızarmamağınız üçün qarşınıza çıxan elə birinci elanla tamada dəvət etmək olmaz.

Toyqabağı bütün dəvət olunmuş qonaqları evlənən cütlüyə necə hədiyyə verilməli sualı düşündürür. Hədiyyə kimi pul da vermək olar, amma adlı hədiyyə daha xoş olardı, çünki seçim pul üzərində dayandıqda belə digər sual yaranır – görəsən cavanlara nə qədər pul vermək yerinə düşər, ancaq pulun miqdarı və ya hədiyyənin qiyməti Sizin imkanlarınızdan asılı bir məqamdır. Əgər hansı bir səbəbdən toy günü lazımi miqdarda pulunuz olmazsa, elə hədiyyə almağınız daha yaxşı olardı. Hər halda pul zərfdə verilir. Şənlik zamanı etıbarlı qonaqlardan biri yeni evlənən cütlüyə təqdim olunan pulları sayıb təbriklərlə elan edilir.

Əgər evlənən cütlük kifayət qədər maddi imkana malikdirlərsə, onda şənliyin musiqi tərtibatı ilə problemlə üzləşməyəcək. Toya ansambl, hətta orkestr də dəvət etmək olar, ancaq bunu etməmişdən əvvəl seçdiyiniz qrupun ifa üslubu və repertuarı ilə maraqlanmağınız məsləhətdir. Bundan başqa canlı ifa zamanı gözlənilməz problemlər yarana bilər, belə haldan sığortalanmaq üçün özünüzlə istədiyiniz kasset və ya disklərlə maqnitofon götürsəniz yerinə düşər.

Qız gözəlliyinin ən vacib atributu, əsasda gəlinin, sözsüz ki, saçlardır. Və saçların yığılmış ya açıq tökülmüş halda olmasından asılı olmayaraq, saçların gözəlliyini kölgədə qətiyyən qoya bilməz. Əgər gəlin öz imicini saçkəsmə və ya saçlarının boyadılmasl ilə dəyişmək istəyirsə, bunu qətiyyən toy ərəfəsində etmək olmaz. Ən yaxşısı bununla toya iki həftə qalmış məşqul olmaqdır.

Baxış – qadın üzünün əsas bəzəyidir, və gözlər nə qədər gözəl olsa bir o qədər baxış heyranedici və cazibədar olar. Təəssüf ki, bir çox xanımlar gözəl gözlərə sahib deyillər, bu isə o deməkdir ki, zahiri görünüşün nöqsanlar və çatışmamazlıqları aradan qaldırılmaq üçün kosmetikadan isifadə etmək lazımdır.

Avtomobilin bəzədilməsindən söz açmadan öncə avtomobillərin özlərindən danışmaq lazımdır. Avtomobilin hansı markadan olması tamamilə əhəmiyyətsizdir, əsas bəylə gəlinin bu və ya digər avtomobildə özlərini rahat hiss etmələridir. Maşının rəngi toya uyğun açıq rəngdə olmalıdır. Əgər kortecdə qırmızı maşınlar varsa, yersiz görünməmək üçün, kortecin axırında getməlidirlər.

Restoran, xırda şeylərə görə belə, küllü miqdarda pul sərf edilən bir yerdir, buna görə də hər şey qabaqcadan danışılıb razılaşdırılmalıdır. Menyunu dəvət olunmuş qonaqların sayına uyğun tərtib etmək lazımdır. Bəzi restoranlar və ya kafelər spirtli içkilərin toy sahibi tərəfindən gətirilməsinə görə əlavə olaraq hesaba salırlar. Toyda tamadanın və ya di-djeyin iştirak etməsi, aparaturanın istifadəsi, enerji sərfinin əlavə olaraq ödənişi və s. bu kimi xırda məsələləri yaxşı olardı ki, qabaqcadan həll edəsiniz.